توركجه شعرلر

[QOPUZ]

دئديم حيف اولار بوردا بير شعر بؤلومي اولماسا

[QOPUZ]

گوش قيل اي كي بيليرسن اؤزونو واقف كار

آگه اول گؤر كي ندير ناله ي ني، نغمه ي تار

ندير او خشك اولان چوبدا بو ناله ي زار

كي صداسيندان اونون غارت اولور صبر و قرار

آچماسن پرده ني هر پرده ده وار يوز اسرار...
(سيد عظيم شيرواني)

[hamed2011]

سئویرم چمنده گولی چیچیه

گلنده ایلک باهار خاطرلا منی

[E_N]

سن یاریمین قاصیدی سن ایلشن سنه چاى دئمیشم

خیالینى گوندره یب دیر بسکى من آخ- واى دئمیشم

آخ! گئجه لر یاتمامیشام من سنه لاى- لاى دئمیشم

سن یاتالى، من گؤزومه اولدوزلاری صای دئمیشم

هرکس سنه اولدوزدئیه اؤزوم سنه آى دئمیشم

سندن صونرا، حیاته من شیرین دیسه، ضاى دئمیشم

هر گوزه لدن بیرگول آلیب سن گؤزه له پاى دئمیشم

سنین گون تک باتماغیوى آی باتانا تای دنمیشم

ایندى یایا قیش دئییرم سابق قیشا یاى دئمیشم

گاه طویووو یاده صالیب من ده لى، ناى- نای دئمیشم

صونرا یئنه یاسه باتیب آغلاری هایهاى دئمیشم

اتک دولو دریا کیمى گؤز یاشیما، چاى دئمیشم

عمره سوره ن من قره گون آخ دئمیشم، وای دئمیشم

[E_N]

سیزلاییر احوالیما صبحه قدر تاریم منیم
تکجه تاریم دیر قارا گونلرده غمخواریم منیم
چوخ وفالی دوستلاریم واردیر، یامان گون گلجه یین
تاردان اوزگه قالماییر یار وفاداریم منیم
یئر توتوب غمخانه ده، قیلدیم فراموش عالمی
من تارین غمخواری اولدوم، تار غمخواریم منیم
گوزلریمه هر تبسم سانجیلیر نئشتر کیمی
کیپریگی خنجردی، آه، اول بی وفا یاریم منیم
آسمان آلدی کناریمدان آی اوزلو یاریمی
یاش توکر اولدوز کیمی بو چشم خونباریم منیم
ای بو غملی کونلومون تاب و توانی، سویله بیر
عهد و پیمانین نه اولدو، نولدو ایلغاریم منیم
“شهریار”م گرچی من سوز مولکونون سلطانی یم
گوز یاشیمدان باشقا یوخدور در شهواریم منیم